كود سبور//

أكدت مصادر مطلعة، أن اللقاء اللي جمع رئيس الوداد الرياضي عبد المجيد البرناكي والإطار الوطني الحسين عموتة، كان لقاء ديال صحاب ماشي ديال رئيس ومدرب.

ووضحت نفس المصادر، أن عموتة والبرناكي تلاقاو وتغداو وهي غير عراضة ما بيناتهم حيث صحاب، وما عندها علاقة بعودة الحسين عموتة للإشراف على تدريب الوداد الرياضي.

وكان عبد المجيد البرناكي اتفق قبل اشهر مع الحسين عموتة باش يرجع للوداد ملي كان عموتة مدرب للأردن، ولكن حاليا صعيب يرجع عموتة للفريق الأحمر، مع العلم أن البرناكي قريب يمشي بحالو من الرئاسة ديال النادي.

وكانت نفس المصادر، كشفت فوقت سابق أن الحسين عموتة عندو عروض من السعودية، وهاد الشي قبل 3 ايام ملي علن الاتحاد الأردني أن عموتة مشى بحالو، وأكدت أنه صعيب يرجع للوداد ولكن كلشي ممكن.