وكالات//

تداولو نشطاء أتراك فالفيسبوك وتويتر فيديو صادم كيبان فيه واحد الراجل كيحاول يدهس خصومو بسيارتو مباشرة من بعد ما خرج من قاعة المحكمة فمدينة بيلجيك اللي كاينة فغرب تركيا، وبدات الناس كتسول على شنو خلاه يدير هاد التصرف الخطير.

https://x.com/srkntnyldz/status/1976317391589232831?s=61

فالفيديو، كتبان الطوموبيل وهي كتخرج من الزنقة وكتشد اتجاه الرصيف اللي كانو واقفين فيه 3 ديال الناس من العائلة اللي كانت رافعة عليه دعوى، واحد منهم ناض نط من فوق السور باش ينجّي راسو، والسيارة ضاربات فالحاجز ديال الرصيف وخرج منها الدخان.

ورغم الصدمة اللي حسّو بيها، واحد من العائلة ما قدرش يكبح راسو، وبدا كيضرب السائق مباشرة، بحال إلى بغا ينتاقم منو على داك التصرف اللي كان غادي يدي ليهم حياتهم.

الناس اللي شافو الفيديو فالتعليقات، استنكرو بزاف هاد السلوك ديال السائق، وقالو أن الهجوم على الخصوم فالنّهار و قدّام الناس ما غاديش يحل المشكل، بل يزيد يعقّد الأمور أكثر.

++