الرئيسية > جورنالات بلادي > غير حيت بيجيديست.. أمكراز شد 10 مليون شهريا من جماعة ولاد تايمة بصفتو محامي ديالها واخا كان كيخسر القضايا وعندو البيرو فأكادير
05/07/2020 14:00 جورنالات بلادي

غير حيت بيجيديست.. أمكراز شد 10 مليون شهريا من جماعة ولاد تايمة بصفتو محامي ديالها واخا كان كيخسر القضايا وعندو البيرو فأكادير

غير حيت بيجيديست.. أمكراز شد 10 مليون شهريا من جماعة ولاد تايمة بصفتو محامي ديالها واخا كان كيخسر القضايا وعندو البيرو فأكادير

كود – عن لوبسيرفاتور دي ماروك//

عرفات مصادر صحافية أن وزير الشغل، والقيادي فالعدالة والتنمية، محمد أمكراز، اللي كان الكاتب العام ديال شبيبة الحزب، كيستفد من امتيازات وتسهيلات ماكانش ممكن لمحامين خرين يستفدو منها، غير حيت كينتمي لحزب اللامبا.

أمكراز كان تنصب كمحامي لجماعة ولاد تايمة، اللي العدالة والتنمية عندهم فيها الأغلبية، وكيتخلص واخا تكون القضايا ولا ماتكونش، وكانو كيعطيوه 10 دالمليون كخلصة دائمة فالشهر.

وماشي غير هذشي، امكراز كان كيخسر القضايا كثر مللي كيربحها، وبالتالي كان كيتقام على الجماعة أكثر من داكشي اللي كيخلصوه، لكن واخا هكذاك حتى واحد ما زعزعو من بلاصتو، حيت صاحبهم، وحيت ماكايخلصوش فلوسو من جيوبهم.

وكاينين محامين خرين فولاد تايمة اللي كان ممكن يديرو هذ المهمة وغير ب50 ألف درهم للشهر، لكن ليبيجيديست فولاد تايمة ماعجباتهمش هذ المسألة، وختارو أمكراز، واخا المكتب ديالو كاين فأكَادير.

موضوعات أخرى