كود – وكالات //

واحد السيرفيس فنيويورك سميتو The Dark Secret، كيخليك ترزرفي مرا ممعروفاش باش تحضر لگنازة ديالك مقابل 500 دولار.

المرا كتجي لابسة لكحل وهازة مظل، وكتوقف وسط الناس بحال إلا كانت كتعرف الميت، وكتبدا تبكي، بلا ما تقول شكون هي ولا شنو العلاقة ديالها بالميًت.

وإلا حاول شي واحد من الحاضرين يسولها شكون هي ولا شنو علاقتها بالميت، ما كتعطي حتى تفسير.

هاد الخدمة معمولة باش تزيد شوية ديال الغموض والدراما على مراسم الوداع، وماشي باش تنتحل فيها المرا صفة شي قريب حقيقي ديال المتوفى.

يعني السؤال هو: واش ممكن تخلص 500 دولار على ود شي واحد ما كيعرفكش، غير باش يحضر جنازتك ويبكي عليك؟