كود سبور//

حسم الجنوب إفريقي رولاني موكوينا مدرب الوداد الرياضي، فاللاعبين اللي غايشاركو مع الفريق ضد الفتح الرياضي، اليوم الجمعة ضمن سدس عشر نهائي كاس العرش فتيران العربي الزوالي بالدار البيضاء، وكاينين غيابات عند الفريق الأحمر.

واختار موكوينا لائحة ودادية مكونة من 24 لاعب، لمواجهة الفتح الرياضي، وفيها كل من المطيع، وأكزداو، وبوطويل، وحركاس، وديراني، ومهداوي، وموفي، ومفيد، وبوشتة، وناسيك، ورجع المباريك والمترجي من الاصابة، وكاين بيدرينو، ورايحي، وناسي، وبوهرة، وفتحي، ولورش، واوبينگ، ومايلولا، ومواليمو.

وبالمقابل كاين غياب مهم ديال حارس المرمى مهدي بنعبيد اللي جاتو وعكة صحية ملي كان مع المنتخب الوطني المغربي فالتوقف الدولي الأخيرة، وغايب حتى محمد جديدي، والبرازيلي آرثر، ومعاذ أنزو.