وكالات//

واحد الغواص فلت من الموت من بعد ما استفزّ أخطبوط في الوقت لي كان كيدير استكشاف في أعماق البحر قرب ساحل شرق روسيا.

فواحد الفيديو لي دار ضجة كبيرة، باين فيه الغواص وهو كيزعج أخطبوط وبرزطو بعصا، ومن بعد جبدو من مكانو الطبيعي. هادشي خلا الأخطبوط يرد بسرعة، ففجأة طلق سحابة ديال الحبر وتكمش على يديه، وطلع بيهم فوق الرقبة ديالو باش يخنقو.

فواحد اللحظة مشوّقة، باين الغواص وهو في حالة رعب كيحاول يبعد الأخطبوط على رقبته وما قادرش، حتى اضطر يعوم للسطح وهو مازال كيحارب باش يحرر راسو. ووفقاً للتقارير، قدر يحرر راسو بعد دقائق، ولكن ما معروفئ واش تعرض لشي إصابات.

هاد الفيديو اللي شافوه أكثر من 3.3 ملايين شخص على إنستغرام، خلا تعليقات غاضبة من المتابعين، كيعارضو فيه الغواص حيث كان كيزعج الأخطبوط في بيئتو.