احمد الطيب كود الرباط//

عدد من الصفحات الرياضية والمواقع المتخصصة ف الشأن الكروي، خرجات خبار بلي شركة “كوكا كولا” كتستعد توقع اتفاقية شراكة مع الواد البيضاوي، والهضرة تقالت على الرجاء البيضاوي الغريم ديال الواك.

مصدر فالشركة قال لـ”كود” بلي فعلا كاين تفاوض على اتفاق شبه نهائي مع نادي الوداد البيضاوي ، باش تكون كوكا كولا الراعي الرقمي الرسمي للنادي الأحمر، بموجب عقد يمتد لثلاث سنوات، صفقة تسويقية مهمة وكبيرة.

لكن مصدر آخر ومطلع على سوق الاشهارات وضح لـ”كود” بلي مزال ماتوقعش الاتفاق، مشيرا بلي عدد من المصادر كشفت لصحف رياضية بلي التوقيع غايكون الاربعاء، ولكن مكاين والو لحد الساعة.

وفق نفس المصدر باش الشركة تكون سبونسور لجوج فراقي من نفس المدينة دقة وحدة، بجوهم عندهم جمهور كبير وطنيا ودوليا، راه ميمكنش يتفسر الا أن الشركة بغات تعزز حضورها ف سوق الاشهار عن طريق أقوى فريقين فالبطولة.

والغريب ان اقوى جمهور في مهاجمة اسرائيل والداعمين ديالها هوما نيت جمهوري الرجاء والوداد، وهنا كايطرح سؤال كبير :”واش جمهوري الفريقين غايقبلو بهاد الصفقة فهاد السياق لي كيتسم برفض دولي لما تقوم به اسرائيل، والداعمين لها؟” خصوصا ف ظل الحملات لي دارو صحاب مناهضة التطبيع على منتوجات بحال كوكا.

مصادر “كود” وضحات بلي كوكا تعطلت ف الاعلان عن الصفقة حيث كاينا هضرة على الوداد تقدر ترفض العقد والاتفاق.
خبير رياضي استغرب لـ”كود” كيفاش فرقة تقبل مستشهر باغي يعطي نفس الاشهار لغريمه التقليدي”. اي يتعطا للرجا والوداد.

وكانت صحف رياضية ذكرت بلي نادي الوداد البيضاوي لكرة القدم توصل إلى اتفاق شبه نهائي مع شركة المشروبات الغازية العالمية “كوكا كولا”، لتكون الراعي الرقمي الرسمي للنادي الأحمر، بموجب عقد يمتد لثلاث سنوات، في واحدة من أبرز الصفقات التسويقية على الساحة الوطنية خلال الموسم الجاري.