الرئيسية > آش واقع > غموض الاقتراض الخارجي.. حتى واحد ماعارف امتى غايكريدي المغرب من الشركاء ديالو
27/10/2021 18:30 آش واقع

غموض الاقتراض الخارجي.. حتى واحد ماعارف امتى غايكريدي المغرب من الشركاء ديالو

غموض الاقتراض الخارجي.. حتى واحد ماعارف امتى غايكريدي المغرب من الشركاء ديالو

هشام أعناجي – كود الرباط///

قال مصدر بوزارة الاقتصاد والمالية، في حديثه مع “كود”، بلي الحكومة حاليا مكتفكرش ف الاقتراض الخارجي  خصوصا وأن البلاد عندها ريزيرف ديال العملة الصعبة لمدة 7 أشهر يعني حنا فوضعية مريحة نسبيا.

ولكن في نفس الوقت مكاينش شي حاجة محسومة، ف أي وقت ممكن المغرب يمشي للسوق الدولية يجيب الكريدي، غير هاد فالسنة المالية 2022، الحكومة مغاديش طرح سندات داخلية.

المغرب طرح سندات دولية اواخر سنة 2020، بقيمة 3 مليار دولار. وذلك لمواجهة تداعيات ازمة كورونا على الاقتصاد الوطني.
ف 2022 مع بداية تحسن النشاط الاقتصادي، باقي مكاينش شي توجه نحو الاقتراض الخارجي. ولكن تقلبات السوق الدولية والوضعية الوبائية والاجتماعية تقدر تفرض على الحكومة تمشي للاقتراض الخارجي على وجه السرعة.

بعض المصادر كتقول بلي المغرب غادي يقترض 80 في المائة من الداخل و20 في المائة من الخارج (مزال متحدد الوقت وصافي).

ويتوقع مشروع قانون المالية لسنة 2022 معدل نمو بنسبة 3.2٪ وعجز في الميزانية بنسبة 5.9٪ من الناتج المحلي الإجمالي، ويرمي إلى خلق 250 ألف فرصة عمل مباشرة في غضون عامين.

موضوعات أخرى

29/11/2021 23:00

ها الصح.. المغرب هو البلد الإفريقي الوحيد اللي قرب من المعايير الأوروبية الخاصة بنسب التلقيح ضد كورونا.. 60 فالمية من السكان خداو الفاكسان و الدزاير مليوحة اللور ب 11 فالمية