الرئيسية > آش واقع > غضب فأحرار وجدة على ولد هوار لي كيدعم بعيوي المدان فقضايا فساد سياسي
08/07/2021 17:30 آش واقع

غضب فأحرار وجدة على ولد هوار لي كيدعم بعيوي المدان فقضايا فساد سياسي

غضب فأحرار وجدة  على ولد هوار لي كيدعم  بعيوي المدان فقضايا فساد سياسي

كود وجدة//

غضب فقواعد حزب التجمع الاحرار على محمد هوار، وصل لحد المطالبة بإلغاء تزكيته، بعدما ناقض اهداف الحزب بمحاربة الفساد، ومشى كيزكي المتهمين بالفساد السياسب والمحكومين فقضايا اختلاس اموال عمومية.

مصادر من الاحرار قالت ان هوار رئيس مولودية وجدة، واللي غايكون مرشح الاحرار للبرلمان، مشى كايدير الدعاية لبعيوي، فوساىل التواصل الاجتماعي وكيشكرو وكيعتابرو المشجع الاول للرياضة فالشرق.

هاد الدعاية لي كتعتابر توجيه لجماهير مولودية وجدة، وتبييض لصورة عبد النبي بعيوي رئيس جهة الشرق المحكوم بسنتين حبسا نافذة، خلات العديدمن احرار الشرق يعبرو عن غضبهم من هوار، ويعتابرو ان هادشي لي دارو ضرب اولا فمبادئ الحزب لي باغي يحارب الفاسدين، وثانيا تزكية لواحد محكوم بالحبس وماخاصوش اصلا يدخل للانتخابات.

مصادر “كود”، قالت انه إذا عرف السبب بطل العجب، وهو ات هوار باغي يقدم شي مرا نسيبة واحد السيد هو لي كياخذ الصفقات مع جهة الشرق، وباغيها تكون هي وكيلة اللاىحة النسائية على الاحرار، وطبعا هاد السيد هو لي خذا صفقة من جهة الشرق فكورونا بخمسة دالمليار وناضت عليها الروينة، يعني رئيس مولودية وجدة بدا كيدخل مع الناس ديال الصفقات والمال العمومي من دابا، وباغي يحشيهوم داخل حزب الاحرار باش يشوهوه كيف شوهو البام.

وتساءلت مصادر كود عن الوسيط الذي جمع رئيس جهة الشرق مع محمد هوار رئيس مولودية وجدة، مشيرة ان احاديث تشير الى مسؤول كبير من جمع بين الطرفين.

موضوعات أخرى

02/08/2021 14:30

كازا وصلات لمرحلة وبائية كاتخلع.. عدد من المرضى فـ حالة صعيبة مابقاوش لقاو بلاصة فـ أقسام الإنعاش والمنظومة الصحية دابا تحت ضغط كبير