الجدارمية د گرسيف حجزوا 800 قرعة ديال الشراب فدار گراب بمنطقة حرشة غراس
عفراء علوي محمدي- كود//
فالوقت اللي برآت عبد الله البقالي، رئيس نقابة الصحافة، من المنسوب إليه، حكمات المحكمة الابتدائية الزجرية فكازا، اليوم الاثنين، على عبد المنعم الدلمي، مدير نشر جريدة الصباح، والمختار الرمشي، الصحافي بالجريدة، بغرامة 10 آلاف درهم لكل منهما. الغريب انها ادانت اللي نشر “صحافي الصباح ومدير نشرها= وبرءات اللي قال =البقالي=
الإدانة جات لأجل جنحة القدف، فالدعوى العمومية اللي رفعها ضدهم مدير “لاماب”، خليل الهاشمي، بسباب مقال كانت نشراتو “الصباح” فماي 2019، كيتضمن مداخلة للبقالي فنشاط بطنجة، تكلم فيها على “خروقات قانونية كبيرة وصفقات مالية مشبوهة تقدر بالملايير” متورط فيها مدير “لاماب”، حسب الجريدة.
وفالدعوى المدنية التابعة، فنفس الملف، فالوقت اللي تحكم بعدم الاختصاص بالنسبة للبقالي، تحكم على كل من الدلمي والرمشي بأداء تعويض مدني قدرو 1000 درهم لكل واحد فيهم، ونشر مقتضيات الحكم فشقو المتعلق بالإدانة بجريدة الصباح الإلكترونية وبالجريدتين الورقيتين الصباح والمساء، فاجل اسبوع عن تاريخ التبليغ بالحكم النهائي، تحت طائلة غرامة تهديدية قدرها 1000 درهم عن كل يوم تأخير.
وفتصريح سابق ليه ل”كود” بخصوص الحكم، قال أن المحكمة صدرات هذ الحكم حيت هو ماشي كاتب المقال، وماشي مسؤول عليه، لأن قانون الصحافة فهذ الحالة كيتابع مول المقال ومدير نشر الجريدة.
وزاد: “هذا انتصار للعدل، ونهاية ادعاء زائف… وانا كمسؤول نقابي كنهضر على المشاكل النقابية فجميع المؤسسات ماشي غير ف”لاماب””، حسب تعبيرو.