الرئيسية > آش واقع > غريب. كيفاش حزب رئيس الحكومة وحزب المعارضة رجعو “التجسس على الهواتف” اساءة للمغرب بلى قضاء بلا والو 
26/07/2021 07:30 آش واقع

غريب. كيفاش حزب رئيس الحكومة وحزب المعارضة رجعو “التجسس على الهواتف” اساءة للمغرب بلى قضاء بلا والو 

غريب. كيفاش حزب رئيس الحكومة وحزب المعارضة رجعو “التجسس على الهواتف” اساءة للمغرب بلى قضاء بلا والو 

كود الرباط ///

نايضة هاد ليام على قضية التجسس على صحافيين وسياسيين مغاربة وسياسيين عبر “پيگاسوس” لصاحب المغرب. كاينة خرجات وكاين نقاش كبير دولي. فهاد السياق باش تلاقى نهار السبت الأمين العام لحزب العدالة والتنمية سعد الدين العثماني والأمين العام لحزب الأصالة والمعاصرة وعبد اللطيف وهبي بمقر البي جي دي هدرو على هاد الموضوع. فبيانهم قالو باللي عبرو “عن رفضهم مساعي جهات خارجية للإساءة للمملكة المغربية، عبر ترويج أخبار باختراق أجهزة هواتف لشخصيات عامة وطنية وأجنبية ومسؤولين في منظمات دولية، وذلك باستعمال إحدى البرمجيات المعلوماتية”

هادي جملة غريبة. علاش رفض علاش اساءة علاش مكتوب بهاد الطريقة. اولا هادا حزب رئيس الحكومة واكبر حزب معارض. عبارات بحال هادي ما عندها معنى. مازال التحقيق يالله بدا فالخارج وفالمغرب. خاص يتسناو حتى يسالي وياخدو موقف.  

وزادو جملة كتجمع الموضوع كاع باش قالو “اذ يؤكدون أن لهذا الاستهداف خلفيات لا تخفى، فإنهم يُثَمِّنُون لجوء السلطات المغربية المختصة إلى تفعيل الآليات القانونية والقضائية لإعادة الأمور إلى نصابها”

احزاب سياسية كانت تستعمل عبارات فضفاضة باش دافع علي لبلاد. خاصها دافع على دور القضاء المغربي او الاجنبي.

موضوعات أخرى