كود كازا//
خبار مافيها مايتقال جابتها كود من قاع الخابيا، قالك اسيدي 7 الشركات اللي هي Dollytex,IMS OHG, Printfloor,Cevimod,Man Clothing,Dulary,Aime Julien متخصصة في ملابس العمل و كلها برانية حصلاتها ادارة الجمارك والضرائب كتتلاعب في مساطر الاستيراد الاثواب من الخارج واللي نزلت عليها بغرامات فايتة 3 ديال المليار.
قالك اسيدي هاذ الشركات بسبعة كتدخل الثوب للمغرب بنية تفصل وتخيط ومن بعد تصدر باش تدخل الاورو للبلاد لكن الحقيقة هي كتهرب بطريقة ديال العفاريت وما كتدخل حتى اورو … كيفاش؟
هاد الشركات الاخوات السبع بحال ايلى هي شركة وحدة. هاد الشركات كتشبه لشركة Mustang. المهم كتشد هذاك الثوب وكتفصلو وكتبيعو لشركات كبيرة مغربية.
والشركات الاخوات السبع عندهم شركائهم (واللي عندو خوه في العرس مايباتش جيعان) اللي كيسهلو ليهم المهمة ويميكو عليهم في الحساب مثلا يوريه اثمنة المنافسين و يليفري 1000 ويتخلص في 2000 يهز من مخزن ويحط في مخزن او زيد وزيد..
