كود الرباط//

اليوم فصباح ناضت روينة فتشكيل مجلس مقاطعة طنجة المدينة، الحرب على شكون يشد الرئاسة، دفع بمستشار محسوب على مرشح الحركة الشعبية يوصف الخصوم ديالو ب”رباعة الحمير والمنافقين”.

“رباعة الحمير” مصطلح جديد فتشكيل المجالس المنتخبة، ينضاف الى ما قاله محمد بن عيسى فجلسة انتخاب مجلس جماعة اصيلا، حيث وصف مستشار معارض بـ”الوقح” وقال”أخرجوا هذا الكلب من هنا”. وفق تسجيل وشكاية دار المستشار المعني للداخلية.

“رباعة الحمير” و”خرجو عليا هاد الكلب”، هادي حديقة حيوانات ماشي مجالس منتخبة. شوهة وصافي.

بالنسبة للاول لي قال رباعة حمير على المستشارين، زاد هددهم بالقتل وقال “غاندبح دين ديماكم كاملين”، ورغم داك راه ربح وخدا منصب نائب الشرقاوي رئيس مقاطعة طنجة المدينة. واخا عارف بلي طعون كثيرة كتسناه وغالبا غادي طير ليهم الرئاسة.