كود كازا ///

غريب هاد الشي اللي واقع فكازا. اليوم انسحب الحسين نصر الله نائب عمدة الدار البيضاء، المكلف بالممتلكات والشؤون القانونية، من لجنة التعمير.

الانسحاب كان على واتساب يتاهمو بللي عندو دور فتفويت عقار ديال مجلس المدينة كاين بعين السبع فكازا لشركة اسمها “بافيلا ”

هاد الشركة دارت مشروع عقاري وكانت مساحة خضرا استرجعاتها المدينة واليوم كلشي تفاجأ باللي رجعات باسم هاد الشركة

نائب العمدة راسل المحافظ يعرف السبب.

الفضيحة هو كيفاش يوقع هاد الشي وهادي ايام وزير الداخلية لفتيت عبد الوافي قال فالبرلمان باللي اللي خذا شي ميترو من الجماعة او غيرها يرجعو.

دابا خاصنا نعرفو شكون مول العقار وكيفاش رجعو وشكون داعمو وعلاش كلشي سكت.

المحافظة العقارية ما يمكنش تدخل فالملكية بلا سند قانوني.