وكالات//
كتستاعد الهند باش تعيش واحد من العراسات الأسطورية ديالها ولي غاد يديرها راجل أعمال مشهور بزاف ف البلاد لولدو، وغاد يحضرو فيه كبار المشاهير الهنود والعالميين.
على حساب ماقال جورنال “تايمز” البريطاني، فهاد العرس غايديرو نانت أمباني، الابن الأصغر لي عندو 28 عام ديال واحد من أثرى أثرياء الهند، وصديقة طفولته راديكا ميرشانت، لي عندها 29 عام.
من بين النجوم لي غايحضرو لهاد العرس نجمي بوليوود أميتاب باتشان وشاه روخ خان، ومؤسس موقع فيسبوك مارك زوكربيرغ، والعائلة الملكية لمملكة بوتان، ووزيرة الخارجية السابقة هيلاري كلينتون.
العرس غادي تغني فيه ريهانا، والعريس عيط على أفضل وأشهر مصممي الأزياء وخبراء التجميل لي غادي يتكلفو بالضيوف.
وكثر من هادشي، بالنسبة للناس لي غاد يجيو، مول العرس سيفط ليهم واحد الكتاب فيه 9 صفحات غير ديال كيفاش يلبسو فهاد العرس.
