گود سبور//

حيدو غانا اللي كانو غادي يلعبو مع المغرب ماتش أميكال الويكاند الجاي، (حيدو) المدرب ديالهم البرتغالي كارلوس كيروش.

وتوصل الاتحاد الغاني لكرة القدم والبرتغالي كارلوس كيروش لاتفاق بيناتهم باش يتفارقو بالتراضي، وهو ما علنو عليه صباح اليوم الخميس، وأكد المدرب البرتغالي أنه كان صعيب يكمل الخدمة فالظروف الحالية، وأن الفراق هو الخيار المناسب.

وكايدوز الاتحاد الغاني لكرة القدم، من ظروف تسييرية صعيبة، وهذا الشي خلاه يعتذر للجامعة الملكية المغربية لكرة القدم، على إجراء الماتش الودي يوم الاحد الجاي فطنجة، قبل ما تلقى الجامعة اتفاق مع المنتخب المالي باش يلعب مع الأسود فبلاصتو فنفس الموعد والتيران.