وكالات//

قررات بريطانيا تمنع استعمال ولا استهلاك أكسيد النيترود ولي معروف باسم “غاز الضخك” وغادي تعاقب السلطات كاع الناس لي حصلوهوم عندهم بالحبس لمدة ماشي قصويرة.

هاد المادة لي كتسبب النشوة والاسترخاء والضحك والانفصال على العالم، بدات كتنتاشر بشكل كبير خاصة بين الشباب، ولكن الحكومة ديال بريطانيا وللا كتشكى منها بسباب شي سلوكات ممزياناش ولقات أنها كتسبب في مشاكل صحية.

وزير شؤون الشرطة البريطاني، كريس فيلب، كال فواحد البيان أن “استخدام هاد المادة في الأماكن العامة تسبب فواحد الفترة طويلة في سلوكات معادية للمجتمع وهادشي لي ماغاديش نقبلو بيه”.

بالنسبة للعقوبات، فالناس لي كيستهلكوه غادي تنزل عليهم غرامات مالية ويقدر توصل المدةد السجن لعامين، أما الناس لي كيبيعوه تقدر تمشي العقوبة ديالهم حتى لـ14 عام.

مع الإشارة، إلى أن الغاز ممكن يتسعمل فقط لأغراض علمية ولا طبية ولا صناعية، بحال مثلا أطباء د الأسنان لي معروف أنهم كيستعملوه.