الرئيسية > تبركيك > غارقة ب5 مترو.. حفرة “سرطات” موطور ومولاه كان غادي وسط شارع وخرج منها بسلام
24/06/2022 01:00 تبركيك

غارقة ب5 مترو.. حفرة “سرطات” موطور ومولاه كان غادي وسط شارع وخرج منها بسلام

غارقة ب5 مترو.. حفرة “سرطات” موطور ومولاه كان غادي وسط شارع وخرج منها بسلام

وكالات //

سرطات حفرة واسعة، غارقة ب5 ميترو وعرضها فايت 6 ميترو، (سرطات) موطور ومولاه فشارع كبير فحي سكني جنوب لندن، والناس اللي قراب من البلاصة تشوكاو مافهمو والو.

وجات مصالح الطوارئ لبلاصة الكسيدة، وخرج مول الموطور بأعجوبة من وسط الحفرة وهو صحة سلام ما واقع ليه والو.

البوليس ضورو بلاصة الحفرة باش مايزيد يطيح فيها شي حد آخر.

وقال ميك ستيفنز، تقني طيران كيعيش حدا مكان الحادث: “مول الموطور كان كيغوت وطلب من الناس اللي فالشارع يعيطو على طاكسي”.

من جيهتو قال ريان بوند، وهو أستاذ ساكن فالمنطقة: “فديك ال9 دالليل سمعنا صوت مجهد وكان يسحابنا الرعد”.

وأشار واحد آخر من السكان بللي القضية ظاوت مسلكة ولاباس حيت الحادث طرا بالليل،  وما وقعت فالوقت اللي كيكون الشارع عامر بالدراري الصغار.

موضوعات أخرى

29/06/2022 15:04

التراكتور بجوج وجوه. البام اللي دار كلشي باش يدخل للحكومة ويتنقد من الانقراض داير معارضة لوزراء لحمامة. كلفو لمهاجري مول فضيحة طنجة: وزراءنا خدامين بما يرضي الله وديال الاحرار دايرين الفساد فالصفقات

29/06/2022 14:00

جنايات مراكش نقصات الحبس للنايب السابق للعمدة اللي مشدود بتهمة النصب على فنانة شعبية.. خلاو ليه 8 شهور من بعدما تحكم ابتدائيا بعام ونص

29/06/2022 13:50

دعم مغربية الصحرا.. لخطاط ينجا تلاقى بقنصل السينكَال فالداخلة وناقشو تطوير التعاون فالفلاحة والصيد البحري والسياحة – تصاور