وكالات//

جيرارد بيكي غادي يلقى راسو في موقف محرج بسبب التوني ديال البارصا، لي غادي يكون مطبوع فيه في الموسم لي جاي اسم شاكيرا.

السمية ديال المغنية الكولومبية غادي تكون على التوني في إطار اتفاق الرعاية بين النادي الكتالوني والشركة السويدية العالمية سبوتيفاي.

وفريق برشلونة ماشي أول مرة غادي يلعب بتونيات فيهم أسماء ولا رموز عندها علاقة بالمشاهير، ولكن سبق ليه لعب بتوني فيه شعار موكة لي كترمز للمغني “دارك” في إطار الشراكة مع سبوتيفاي.

وبالتوازي مع هاد الاتفاقية طلقات المغنية شاكيرا آخر أغنية ليها ولي جسدات فيها تجربة الخيانة لي كتقول تعرضات ليها من بيكيه.

الأغنية لي صوراتها على شكل فيديو كليب كان العنوان ديال “مونوطونيا” ولي كتعني الرتابة بالإسبانية، وهضرات فيها على الجرح لي تعرض ليه القلب ديالها، وكيفاش قررات أنها تحافظ عليه في الفترة لي جاية.

وبانت شاكيرا في الأغنية كتبكي، وقدرات أنها تضرب 7 ملايين مشاهدة على اليوتوب من بعد 8 الساعات فقط باش حطاتها.