وكالات//

سجّل المتسلّق والمرشد الجبلي البريطاني كينتون كول إنجاز جديد، بعدما طلع لقمة جبل إيفرست للمرة 19، وبهادشي دار رقم قياسي فعدد المرات اللي طلع فيها شي مرشد غير نيبالي لأعلى قمة فالعالم.

كول، اللي عندو 51 عام وكيجي من جنوب غرب إنجلترا، وصل للقمة اللي كتوصل لعلو ديال 8849 ميترو نهار الأحد، مع فرقة ديال المتسلّقين، حسب ما قال إيسواري بوديل، اللي خدام مع شركة “مرشدي جبال الهيمالايا نيبال” اللي نظّمات الرحلة.

وزاد قال بللي كول بخير وبصحة مزيانة، وبدا بالفعل كيهبط من القمة.

وكول كيعتبر من بين أبرز المرشدين الغربيين اللي ولاو كيتسلقو إيفرست، حيث الطلعة اللّولى ديالو كانت فـ2004، ومن تما وهو كيديرها تقريبا كل موسم، إلا فشي سنوات اللي وقعات فيها حوايج استثنائية.

بحال فـ2014، تلغات البعثة ديالو بسبب انهيار جليدي اللي مات فيه 16 مرشد من الشيربا.