وكالات//

فركع مغني الراب الميريكاني كاني ويست جدل كبير بعدما بان فلايف وهاجم بشكل قاسي ترتيبات حضانة أولادو الأربعة من مراتو السابقة كيم كارداشيان.

فهاد اللايف، كان لابس ماسك كحل كيغطي على الملامح ديالو، عبّر كاني عن غضبه حيث قال أنه ما قدرش يشوف ولادو: نورث (11 عام)، سينت (9 أعوام)، شيكاغو (7 أعوام)، وسالم (5 أعوام)، وصرخ وقال: “غادي نمشي نجيب ولادي.. الأمور خرجت عن السيطرة”، وأضاف أنه غادي يكلّم المحامي ديالو باش يعرف شنو يدير فـ الوضع القانوني ديالو.

كاني، اللي ربح 24 جائزة غرامي، عبر فـ الأشهر الأخيرة على استياؤ من اتفاقية الحضانة ديال أولادو، وسمّاها “زيارة فـ السجن”، واتهم كيم وعائلتها، وحتى شركات إعلامية بحال “هولو” و”ديزني”، أنهم حرموه من حقوقه كأب.

وفي منشور آخر، قال: “خصني نخبّي الحقيقة بأن ولادي تّاخدوا مني وكلشي كيشوف غير”، وأشار أنه ما شافش ولده سينت هاد العام، رغم أن الصور ديالهم فـ اليابان كانت كتداول فـ بداية العام.