الرئيسية > الزين والحداكة > غادي تعطي 500 ألف دولار لأي واحد لقاهم.. “لايدي كَاكَا” تسرقو ليها الكلاب ديالها والمكلف بيهم تضرب بالقرطاس وحالتو خطيرة
25/02/2021 22:00 الزين والحداكة

غادي تعطي 500 ألف دولار لأي واحد لقاهم.. “لايدي كَاكَا” تسرقو ليها الكلاب ديالها والمكلف بيهم تضرب بالقرطاس وحالتو خطيرة

غادي تعطي 500 ألف دولار لأي واحد لقاهم.. “لايدي كَاكَا” تسرقو ليها الكلاب ديالها والمكلف بيهم تضرب بالقرطاس وحالتو خطيرة

كود – وكالات//

2 رجال مسلحين ضربو المكلف بالكلاب ديال المغنية الأمريكية لايدي كَاكَا، ب4 دالقرطاصات فسدرو، وسرقو 2 كلاب من نوع “بولدوكَ”، لبارح الأربعاء فلوس أونجليس.وحسب مجلة “دايلي مايل”، فيشر ناعس فالسبيطار، وحالتو حرجة.

الخدام دكَاكَا، اللي سميتو ريان فيشر، طاح ضحية خطة داروها هذ العصابة، فاش كان مخرج الكلاب ب3 دالمغنية، فهوليود، مع ديك ال10 دالليل.

وفيشر كان باقي كيقاوم ويحاول مايخليش المجهولين يسرقو الكلاب، واخا مضروب.

وفاش داوهم بثلاثة، البوليس قدرو يلقاو من بعد الكليبة “ميس أسيا”، ورجعوها لكَاكَا، فيحين “كوجي” و”كَستافو” غابر ليهم الأثر.

وكَاكَا كتقترح 500 ألف دولار كهدية للي لقى ليها الكلاب ديالها ورجعهوم ليها.

والكلاب من نوع “بولوكَ” الفرنسيين مطلوبين وغاليين، بحيث كيديرو من 1500 حتى ل3000 دولار، والكلاب الماصلين كيوصل ثمنهم حتى ل10 آلاف دولار، اي 100 مليون سنتيم مغربي.

مقال “دايلي مايل” فالموضوع هنا:

https://www.dailymail.co.uk/news/article-9299591/Lady-Gagas-dogwalker-shot-four-times-chest-two-men-stole-two-gods.html

موضوعات أخرى