وكالات//

صرّحات واحد السيدة كبيرة فالعمر فالشينوا أنها باغية تلقى “بنت جديدة” تكون حدّاها وتعتني بها، حيث ما بقاتش قادرة تعتمد على جوج بناتها الحقيقيّات.

وقالت هاد السيدة، اللي معروفا باسم العائلة ديالها “ما”، فواحد البرنامج التلفزيوني محلي، بلّي بنتها الكبيرة ما باغياش تهضر معاها، بينما البنت الثانية عندها إعاقة ذهنية اللي كتمنعها حتى تعتني براسها.

وحسب جريدة “ساوث تشاينا مورنينغ بوست”، السيدة المسنة كتواجه صعوبة فالحركة بسبب الربو، وكتمنّى تلقى شي وحدة ترافقها فالمواعيد الطبية وتعاملها بحال إلى كانت بنتها.

وباش تشجّع الناس اللي مهتمّين، عرضات “ما” وحدة من الشقق ديالها وممتلكاتها، وزادت عليها راتب شهري ديال 3000 يوان (حوالي 420 دولار)، وكيتقال بأنها عندها مدخرات كتوصل لـ 400 ألف يوان (56 ألف دولار).