وكالات//
علنات المغنية الميريكانية المشهورة تايلور سويفت أنها غادي تصوت على المرشحة ديال الحزب الديمقراطي كامالا هاريس في الانتخابات الميريكانية الجايا.
على حساب ما جا في وكالة فرانس بريس فهاد الإعلان جا بعد دقائق قليلة من المناظرة الرئاسية بين هاريس ودونالد ترامب.
ورجعات سويفت القرار ديالها إلى أن هاريس كتدافع على نفس القيم الإنسانية والاجتماعية لي كتآمن بيها.
هاد القرار غادي يغضب بزاف ترامب، حينت عارف التأثير الكبير لي كاتديرو هاد المغنية على الشباب في ميريكان.
