كود سبور//

شدو نهضة بركان الطريق لمصر، باش يلعبو روتور فينال كأس الكونفدرالية الإفريقية ضد الزمالك المصري الاحد الجاي.

وخداو نهضة بركان صباح اليوم الخميس، الكار ديال الفريق من بركان إلى مدينة وجدة وطلقا لهم جمهور الفريق وشجعهم وطلع لهم المورال قبل السفر، ومن مطار وجدة أنجاد خداو طيارة خاصة طارت بهم نحو العاصمة المصرية القاهرة اللي من المنتظر يوصلو لها بعد 4 الساعات.

ومعولين نهضة بركان يربحو الزمالك المصري فالقاهرة الأحد الجاي، ويزكيو نتيجة ماتش لالي اللي ربحوه بجوج لواحد فبراكين، باش يربحو كأس الكونفدرالية الأفريقية للمرة الثالثة.