الرئيسية > آش واقع > غاتوفر ليهم الأدوية لمدة شهر.. مديرية السجون غتكلف بعلاج الحباسة اللي استفدو من العفو الملكي
08/04/2020 09:18 آش واقع

غاتوفر ليهم الأدوية لمدة شهر.. مديرية السجون غتكلف بعلاج الحباسة اللي استفدو من العفو الملكي

غاتوفر ليهم الأدوية لمدة شهر.. مديرية السجون غتكلف بعلاج الحباسة اللي استفدو من العفو الملكي

عفراء علوي محمدي- كود//

تعبؤو الأطباء اللي خدامين فالمؤسسات السجنية باش يسهلو عمليات الفحص الطبي من قبل أطباء وزارة الصحة على مستوى اللجان المحلية، باش يعالجو المحابسية اللي استفدو من العفو الملكي، واللي عندهم أمراض مزمنة أو اللي كتتطلب المتابعة الطبية.

هذ الإجراءات، اللي دارتها مندوبية العامة لإدارة السجون وإعادة الإدماج، كتوفر للناس اللي استفدو من العفو نموذج اتصال ووصفة طبية لتمكينهم من استمرارية الرعاية بعد الإفراج، والوثائق اللازمة لرصد أمراضهم المزمنة، وكذلك الأدوية اللي خاصهم فمدة شهر ديال العلاج.

وكتقول المندوبية، فبلاغ ليها اطلعات عليه “كود”،  باللي هذ الأدوية هي: الأدوية المضادة للسل وشهر واحد من العلاج والاتصال بمركز علاج أمراض الجهاز التنفسي، والدوايات المضادة لفيروسات النسخ العكسي لفيروس نقص المناعة البشرية، والأدوية المضادة للسرطان، والميثادون اللي كتعطى منو جرعة 48 ساعة مع الاتصال بمراكز الإدمان لضمان الاستمرارية، بالإضافة لدوايات العلاج النفسي ديال سيمانة مع تحرير وصفة طبية مغلقة لمدة 15 يومًا من العلاج، تبدأ من يوم الإفراج عنه.

موضوعات أخرى