وكالات//

النجم ديال الروك الأسطوري جين سيمونز، اللي عندو 76 عام، هزوه للسبيطار ف ماليبو بعد ما فقد الوعي وهو كيسوق، ودخل ف طوموبيل واقفة ف طريق ساحل المحيط الهادئ.

مراتو شانون تويد قالت لصحيفة “ميرور” بأن سيمونز بخير ودابا كيتعافى فالدار، وشرحات بأن الحادثة وقعات بسبب تغيير في الدوا ديالو الأخير وقلة شرب الماء، وهذا اللي خلاه يغمى عليه مؤقتًا وهو كيسوق.

وكان سيمونز من قبل واجه مشاكل ديال الجفاف خلال حفلات فرقة KISS، آخر مرة ف البرازيل عام وة2021، وكان خاصو يوقف الحفل باش يشرب الماء ويرجع يكمل.

سيمونز ما زال كيدير جولات فنية حتى بعد ما تقاعد من فرقةKISS اللي أسسها عام 1973، وبقى من أبرز الأعضاء ديال الفرقة مع بول ستانلي، بعدما خرجو باقي الأعضاء الأصليين.