وكالات//

كيحمل مطار كانساي الدولي (KIX) فاليابان واحد من أروع سجلات السفر فالعالم، حيت ما عمرهم ضيّعو شي شنطة ديال شي مسافر من نهار تحلّ قبل ثلاثين عام.

المطار كاين فوق جزيرة صناعية فخليج أوساكا، وكيعتابروه واحد من البوابات الكبار لمدن بحال أوساكا، كيوتو وكوبي، وكيستقبل ملايين المسافرين والشنط ديالهم كل عام.

ورغم أنهم دوزو أكثر من 10 مليون شنطة غير فـ2023، المسؤولين ديال المطار كيقولو بللي كل الشنط وصلو لأصحابهم بلا ما يتفقدو نهائياً.

هاد الإنجاز خلى مطار كانساي يربح جوائز بزاف، وأهمها جائزة “أحسن مطار فالعالم فتسليم الأمتعة” اللي خذاها 8 مرات فجوائز سكاي تراكس العالمية.

وحسب شركة “سيتا” المتخصصة فـتكنولوجيا الطيران، فـ33.4 مليون شنطة تعاملو معاها بطريقة خايبة فالعالم فـ2024، وهذا رقم ناقص شوية على العام اللي فات، وكتبان منطقة آسيا والمحيط الهادئ هي اللي عندها أقل نسبة فمشاكل الشنط، وكانساي هو أحسن مثال.

السر ديال هاد التميز كاين فـنظام متقون بزاف ديال التعامل مع الشنط، للي يتراقبو فكل مرحلة فالرحلة.