الرئيسية > الزين والحداكة > عيالات مغربيات كيديرو خدمة زوينة فهولندا باش يوقفو أعمال شغب بسباب قيود كورونا
06/12/2021 21:00 الزين والحداكة

عيالات مغربيات كيديرو خدمة زوينة فهولندا باش يوقفو أعمال شغب بسباب قيود كورونا

عيالات مغربيات كيديرو خدمة زوينة فهولندا باش يوقفو أعمال شغب بسباب قيود كورونا

كريم الشركي – كود //

ما يقارب من 30 مرا مغربية فمدينة روتردام، رجعو كيديرو حملات ليلية، لتوعية الشباب المهاجر، باش مايدخلوش فمواجهات مع بوليس هولندا.

خطوة هاد العيالات المغربيات، جات بعد المواجهات اللي وقعات بين الشباب والبوليس بسباب إجراءات و القيود المقررة لمحاربة جائحة كورونا، وخصوصا منهم (الشباب) المهاجرين المغاربة اللي تسببو أعمال عنف فالأحياء اللي كتعرف كثافة سكانية عالية ديال المهاجرين.

هاد النسا ناضو كيتواصلوا مع الشباب فالأحياء بالليل باش يوعيوهوم بخصورة أعمال الشغب اللي ممكن يتورطو فيها، ويطالبوهوم مايدخلوش فمواجهات مع الأمن المحلي لأن هادشي غايضر كولشي.

وسائل الإعلام الهولندية أشادت بالخطوة اللي داروها هاد العيالات المغربيات باش أولا يحميو وليداتهوم من المشاكل وخصوصا من الاعتقال، وفنفس الوقت يحميو الشرطة من الاعتداءات المحتملة بسباب أعمال عنف ناتجة عن مظاهرات مناهضة للقرارات الحكومية الخاصة بالتصدي لانتشار فيروس كورونا.

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين