الرئيسية > كود سبور > عيالات المنتخب المغربي شدو الطيارة لزامبيا ومتحمسين يرجعو للمغرب بالرباح ويتأهلو لأولمبياد باريس (تصاور)
03/04/2024 17:10 كود سبور

عيالات المنتخب المغربي شدو الطيارة لزامبيا ومتحمسين يرجعو للمغرب بالرباح ويتأهلو لأولمبياد باريس (تصاور)

عيالات المنتخب المغربي شدو الطيارة لزامبيا ومتحمسين يرجعو للمغرب بالرباح ويتأهلو لأولمبياد باريس (تصاور)

كود سبور//

شد المنتخب الوطني المغربي النسوي الطريق اليوم الأربعاء لزامبيا، باش يلعب ضد المنتخب الزامبي ماتش الألي ديال الدور الرابع والأخير المؤهل إلى أولمبياد باريس 2024.

وبعدما دارو آخر حصة تدريبية صباح اليوم فمركز محمد السادس بالمعمورة، مشاو المنتخب المغربي النسوي لمطار الرباط سلا، ومنو خداو الطيارة الخاصة اللي يالاه قلعات ومشات لزامبيا، وسط أجواء زوينة وحماسية بين لاعبات المنتخب المغربي.

ومن المنتظر يوصل المنتخب المغربي النسوي إلى زامبيا، فالساعات الأولى من صباح غدا الجمعة ويمشيو للفندق يرتاحو ومن وراها يديرو آخر حصة تدريبية قبل الماتش اللي غيتلعب ضد زامبيا يوم الجمعة الجاي.

وباغي المنتخب المغربي النسوي يرجع بنتيجة إيجابية من ماتش ذهاب الدور الرابع فزامبيا، باش تسهال عليه المهمة فماتش الروتور هنا فالمغرب الثلاثاء الجاي 9 أبريل، ويتأهل لأولمبياد باريس 2024، لأول مرة فتاريخ الكرة النسوية المغربية.

موضوعات أخرى

25/04/2024 05:00

مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”

25/04/2024 04:00

مرات نتنياهو دارت الفوتوشوب باش تبان صغيرة.. تصويرة على موقع “إكس” حولاتها مسخرة على مواقع التواصل

25/04/2024 03:00

ميريكان حكمات على مصممة أزياء مشهورة بعام ونص ديال الحبس.. كتصدر جلود ديال التماسيح واللفاعي

25/04/2024 00:00

لا تيتي لا حب لملوك: اتحاد العاصمة دارو ريوسهم فالكابرانات وتقصاو حتى من كأس الجزائر