الرئيسية > آش واقع > عودة معمل “كُوطِيفْ” للواجهة.. نائب عمدة فاس لـ”كود”: هذا يوم تاريخي والمدينة غادي تهز وتنتعش صناعيا
03/10/2019 16:30 آش واقع

عودة معمل “كُوطِيفْ” للواجهة.. نائب عمدة فاس لـ”كود”: هذا يوم تاريخي والمدينة غادي تهز وتنتعش صناعيا

عودة معمل “كُوطِيفْ” للواجهة.. نائب عمدة فاس لـ”كود”: هذا يوم تاريخي والمدينة غادي تهز وتنتعش صناعيا

عمـر المزيـن – مكتب الرباط//

تمت اليوم الخميس، خلال الدورة العادية لمجلس جماعة فاس، المصادقة على اتفاقية شراكة بين جماعة فاس وشركة “ألستوم كابليانس”، تم من خلالها كراء 3,5 هكتار من الوعاء العقاري “كوطيف ” لصالح الشركة مع إحداث مكافأة للاستثمار والتشغيل بفاس.

وتمثل هذه الاتفاقية، حسب مصادر جماعية، لـ”كود”، خطوة أولى ستتبعها خطوات أخرى لكراء ما تبقى من “كوطيف ” من أجل تشجيع الاستثمار بالمدينة. مبادرة زوينة وخا جات معطلة بزاف وكانت فيها صراعات سياسية طاحنة بين جوج أحزاب داخل الأغلبية. عودة هاد الوحدة الصناعية للواجهة تحسب للعمدة إدريس الأزمي. دار خدمة تحسب له بلا مجاملة.

وبهذه المناسبة، قال النائب الثالث لعمدة المدينة، محمد الحارثي، أن اليوم هو يوم تاريخي في حياة العاصمة العلمية، مضيفا في تصريح لـ”كود”: فاس تشهد مرحلة الإقلاع الصناعي  وهادي لبنة من لبنات ومن المؤشرات أن فاس تستيعد صحتها في مجال الصناعة والخير جاي للمدينة فهاد المجال”.

وقال النائب البرلماني الحارثي: “كاين أمل كبير بزاف لاستعادة صحة الصناعة بالمدينة، والشركة اللي درنا معاها هاد الاتفاقية تجدد ثقتها في المدينة، بل سارعت إلى تقديم عروض لعدد من المؤسسات التابعة لها للاستثمار بالمدينة، وهاد الإقلاع الصناعي غادي يخفف من معدل البطالة”.

وأضاف نائب رئيس المجلس الجماعي قائلا: “كنقلبو ان الثقة ترجع للمدينة في الجانب الصناعي وهادشي بدا يتحقق، وفاس تشهد الإقلاع الصناعي والتاريخ شاهد على هادشي وعقلو مزيان على هادشي”.

موضوعات أخرى

22/10/2019 16:50

شكون باغي يشوّه السمعة ديال الأزمي.. “إشاعة” عاود كتقول أن الفرقة الوطنية عيطات ليه.. عمدة فاس لـ”كود”: التخربيق هادشي