گود سبور//

مازال كيعانيو الرجاء الرياضي باش يلقاو تيران يلعبو فيه ضد المغرب الفاسي الاربعاء الجاي، ضمن الدورة 18 من البطولة الاحترافية.

وگاع التيرانات اللي مشاو لهم الرجاء قدمو لهم طلب باش يلعبو ضد المغرب الفاسي رفضو بحال البشير فالمحمدية وتيران العبدي فالجديدة ما بغاوش للنادي يستقبل الماتش عندهم، إلا تيران برشيد ولكن بغاو بشرط يتلعب الماتش بلا جمهور.

وكيواجهو الرجاء الرياضي صعوبة ملي تسد تيران مركب محمد الخامس بالدار البيضاء، باش يلقى الفريق فيه يلعب ماتشات ديالو، ومدة هادي والرجاء كتلعب بلا جمهور بسبب قرار السلطات.