عن اورونيوز//

خرجو آلاف من المتظاهرين ديال السترات الصفراء فبزاف ديال المدن فرنسية، لبارح السبت، فمسيرات احتجاجية ضد عنف الشرطة، من بعد قرار مجلس الدولة السماح بمواصلة استخدام “قاذف الكرات الدفاعية” من أجل ردع المحتجين، واللي كيقولو  أنه كيتسبب بجروح خطيرة.

وسماو المتظاهرون احتجاجهم”مسيرة كبرى من أجل الجرحى”، وجهو دعوات عبر مواقع التواصل الاجتماعي من “أجل وضع حد للقوة المفرطة اللي كتستخدمها الحكومة لإخماد الاحتجاجات”، لا سيما بعد إصابة جيروم رودريگيز، اللي هو واحد من قادة الاحتجاجات، بجروح خطيرة السبت اللي فات. وهزو المحتجين لافتة كتبوعليها “لا للقنابل اليدوية والكرات الوامضة” مع تصاور ديال جرحى وجوههم مضروبة.

وقالت وزارة الداخلية انها حشدت تقريبا 80 ألف من قوات الأمن، وماعارفينش حجم تجمعات هاد السبت، بعد مشاركة 80 ألف محتج السبت اللي فات حسب أرقام وزارة الداخلية.

وبينات الأرقام الرسمية أن تقريبا ألف بوليسي أصيبوا، إضافة لنحو 1700 محتج منذ بداية المظاهرات.

وتصدر المتظاهرون  اللي تجرحو فاحتجاجات الأسابيع السابقة مسيرات لبارح السبت ولبسو بعضهم عصابات على عينيهم، ورسمو عليها علامات تصويب.