وكالات//

قدر ميريكاني أنه يطيح 165 كيلو من الوزن ديالو بعدما قرر يقاد الماكلة ديالو ويعتق راسو من الموت.

الراجل لي عندو 42 عام كان فيه 300 كيلو، ومن ديما كيعاني من الغلض، وهادشي خلاه يمرض ويجيه اكتئاب ومبقاش قادر يتحرك وكَاع عضامو ضارينو.

الغلض لي كان فيه منعو باش يحضر للمناسبات ويسافر، وكان صعيب عليه يركب في طوموبيل وحتى التنفس ديالو كان صعيب وكيشوف الموت بعينيها.

في 2019 شاف طبيب لي قال ليه أن حالتو خطيرة، وإلى مدارش حل لراسو مكينش لي غايعتقو، وهنا بدا ريجيم وقدر يطيح الوزن ودابا ولا خفيف وكيعيش حياتو الطبيعية.