وكالات//

كيواصل إيلون ماسك، أغنى رجل في العالم، يوسع العائلة ديالو المعقدة، وهادشي بعدما ولا عندو 11 دري من 3 ديال العايلات.

على حساب مقالت تقارير صحفية ميريكانية فمول شركة “تيسلا” خسر 27 مليون جنيه إسترليني على جوج ديال القصورة جداد في تكساس باش يضمن العيش ديال ولادو قراب منو.

وكتأكد نفس التقارير ان هدف ماسك هو أنه يقرب منهم باش يدوز معاهم أكبر قدر ممكن ديال الوقت في ظل المهام الكبيرة لي عندو.

وتزاد عند ماسك 6 ديال الدراري من مراتو الأولى، الروائية الكندية جوستين ويلسون، لي تزوجها بين 2000 و2008.

وواخا مات ليها ولدها الأول بسبب متلازمة موت الرضع المفاجئ، ولدات جوستين توأمين في 2004 وثلاثة توام في 2006.

وبعدما تفارق على مراتو، زاد ماسك 3 ديال لولاد مع صاحبتو الفنانة الموسيقية غرايمز، وعندو التوأم سترايدر وأزور مع شريكتو السابقة شيفون زيليس.