وكالات//

بعدما ولفو الناس يشوفوه مع مراتو الأخير جينيفر لوبيز، قرر الممثل الميريكاني المعروف بين أفليك، أنه يدوز الاحتفالات ديال رأس العام مع طليقتو الأولى جينيفر كارنر.

على حساب مقالت مجلة “بيبل” الميريكانية المتخصصة في أخبار المشاهير فبين أفليك، لي وصل دابا لـ52 عام في العمر ديالو، قرر أنه يدوز رأس العام مع كارنر من أجل الأولاد لي عندو معاها.

ووالد بين أفليك 3 ديال الاولاد مع هاد المرأة وهوما: فيوليت، 19 عام، سيرافينا، 15 عام، وصامويل، 12 عام.

وطلق بين أفليك مراتو جينيفر كارنر عام 2015، بعد زواج دام 10 سنين كاملة، وهادي مدة طويلة ماشافوهومش مجموعين من نهار تطلقو.