وكالات//

انهار برج فيلهيلمينا التاريخي فمدينة فالكنبورغ فمقاطعة ليمبورغ فهولندا، لي كان من بين المعالم السياحية الكبيرة فالمنطقة، بشكل مفاجئ نهار الأحد، بلا ما تسجل شي إصابات.

البرج، لي ارتفاعو 30 متر وكيبدا من عام 1906، كان كيستقطب الزوار من مختلف أنحاء العالم، حيث كان كيقدم ليهم منبر للمشاهدة كيشوفو منو المناظر الطبيعية الزوينة، بما فيها بلجيكا وألمانيا فالأيام الصافية. وكان فيه مقهى ومطعم، ولكن كان مسدود من نهار وقع فيه الانهيار.

وقالت خدمات الطوارئ أنه ما لقاوش حتى واحد مدفون تحت الأنقاض، رغم العمليات ديال البحث لي داروها كلاب الإنقاذ. كما أكدت أنه ما تسجلتش شي إصابات.

رئيس بلدية فالكنبورغ، دان بريفو، قال إن السبب ديال انهيار البرج ما زال ما واضحاش، ولكن صافرة الإنذار ف البرج ضربات حوالي الساعة 5:30 صباحًا، ووقفو كاميرات المراقبة من بعد ثلاث دقايق.

بريفو قال إنه غادي يجمعو كاع المعطيات المتاحة باش يعرفو سبب الحادث.