وكالات//

توفّى نجم تيك توك “ماركوي ذا غوت”، اللي سميتو الحقيقية ماركوي كولينز، وعندو 24 عام، كيف ما علنات على هاد الشيّ الأم ديالو سونيا كولينز فواحد المنشور مؤثر فأنستغرام.

وحسب صحيفة “ديلي ميل”، ماركوي كان جامع 6.9 مليون متابع فتيك توك وحوالي 500 ألف متابع فأنستغرام، وكان معروف بالمحتوى الكوميدي ديالو، والمراجعات ديال الماكلة، وكذا الفيديوهات اللي كيدير مع العائلة ديالو.

@marquaythegoat

سونيا نشرت صورة هي وولدها الله يرحمو، وقالت بلّي “قلبها مكسور”، وذكّرات أنه كان أصغر ولداتها. وما قالتش فالبوست ديالها سبب الوفاة، ولكن أكدت أنه كان شاب طيب وما فيه حتى شي شر.

وزادت الأم وقالت بلّي ولدها كان كريم وكايحب واليديه، وديما كيسوّل فيهم ويهتم بيهم. وختمات رسالتها بالشكر للمتابعين ديالها على الدعم ديالهم والدعوات ديالهم فهاد الفترة الصعيبة.

ماركوي بدا الرحلة ديالو فتيك توك فـ2019، وقدر يجلب الملايين بشخصيتو المرحة وحبّو للطيارات السريعة والمحتوى المضحك ديال الماكلة. وكان كيبان بزاف فالفيديوهات مع والديه، من بينها المقالب والمشاهد الكوميدية اللي كانوا كيعجبو الجمهور.