كود – وكالات//

نافيد أكرم هو شاب عندو 24 عام، أسترالي من أصل باكستاني، ساكن فـ منطقة بونيريج فجنوب‑غرب سيدني، ولى اسمو حاضر بقوة من بعد الهجوم المسلح اللي هزّ شاطئ بوندي نهار الاحد 14 دجنبر 2025، فاحتفال ديني يهودي بعيد «حانوكا»، واللي خلّى 12 قتيل و29 جريح، من بينهم جوج ديال البوليس.

السلطات الأسترالية أكدت أن نافيد أكرم هو واحد من المشتبه فيهم فتنفيذ الهجوم  حسب المعطيات الرسمية، واحد من المنفذين تقتل فبلاصة الحادث، وتم توقيف مشتبه فيه آخر، والتحقيقات مازال مستمرة باش يتحدد الدور الدقيق ديال كل واحد فالهجوم.

إلى حدود كتابة هاط السطورا، البوليس ما عطاش معلومات كثيرة على المسار الشخصي ديال نافيد أكرم، ولا على واش كان معروف عند الأجهزة الأمنية من قبل، الشي لخلا التحقيق كيركز على محيطو وتحركاتو الأخيرة، والاتصالات اللي دار قبل الهجوم، أكرم قرا في جامعة كوينزلاند المركزية في سيدني، وجامعة همدرد في إسلام آباد، إضافة إلى معهد المراد لتعليم القرآن واللغة العربية الواقع في ضواحي سيدني بمنطقة هيكنبرغ.

اللي تزاد خطورة فهاد القضية هو أن السلطات لقات عبوات ناسفة بدائية فسيارة قريبة من بلاصة الهجوم، وهاد المعطى رفع من مستوى القلق وخلّى الحكومة تصنّف الواقعة كـ عمل إرهابي، رئيس الوزراء الأسترالي، أنتوني ألبانيزي، وصف الهجوم بأنو “ضربة قاصحة” وموجهة ضد الجالية اليهودية وضد المجتمع الأسترالي كامل.