وكالات//

لعسكر لي حاكم مصر لحد الساعة ما عرفناهمش كيفاش كيفكرو في تسيير بلاد فيها 100 مليون مواطن، النص فيهم نازل تحت عتبة الفقر والأغلبية ديال الناس الثاني حاطة يديها على قلبها من الأوضاع السيئة لي كاينة.

مصر فجأة عدمات 2 مليون فلوس ماشي لأنهم مراض ولا فيهم شي مشكل، فقط لأنها عندها مشكل ديال العلف، وقالت إنها ما غاديش تلقى ما توكلهم في الفترة لي جاية.

وعوض لبلاد تقلب على خطة بديلة وتفرق مثلا هاد الكتاكيت على المصريين لي أغلبهم كيربي الدجاج في السطوحة، اختارت تمشي للساهلة، ولكن في نفس الوقت غادي تكون مكلفة على المواطن طبعا.

ومع إعدام هاد العدد لكبير ديال لفلالس لي كانوا محتاجين أسابيع ويخرجوا يتباعو في السوق، بدات أسعار الدجاج كتطلع للسما في مصر، حتى أن الناس ولات كتشري العضومة ديال الدجاج باش يصاوبو الشوربة ديالهم عوض اللحم.