كود سبور//

توعت مهدي مفتاح الگول ديال نهضة بركان، وعندو هرس فيديه، وبقى للفريق البرتقالي گول واحد هو أنس الزنيتي، حيث منير المحمدي رجع موعت من كاس افريقيا مع المنتخب المغربي ودار عملية على كتفو.

مهدي مفتاح توعت فالماتش اللي فات ديال نهضة بركان ضد نهضة الزمامرة، وكشفت الفحوصات الطبية بلي تهرس فالعظم ديال مشط يديه، وغادي يگلس يتعالج ويرتاح تحت مراقبة الطقم الطبي د الفريق.

دابا الفرصة غادي تعطى لأنس الزنيتي اللي يالاه لنهضة بركان غير فالميركاتو الشتيوي اللي فات، وهو اللي الحلم ديالو يريح دوري ابطال افريقيا، اللقب اللي مازال ما تحققش له فالكاريير ديالو، ومعول يربحو هذا العام مع بركان.