وكالات//

تصدم الوسط الفني البرازيلي بخبر الموت ديال الممثلة وعارضة الأزياء الصغيرة ميلينا برانداو، اللي ماتت وعمرها غير 11 عام بعدما جاها ورم فالمخ اللي خلاها تدوز 21 نوبة قلبية متتالية، وهذا كله من بعد ما دخلات للسبيطار.

ميلينا دخلت السبيطار غراجاو فساو باولو نهار 29 أبريل اللي فات، بعدما شكات من صداع قوي. فالأول، الأطباء فكروا أنها عندها حمى الضنك، ولكن من بعد اتضح لهم أنها كانت مصابة بورم فالمخ، وبدأت حالتها الصحية تتدهور بشكل سريع.

الطفلة توفات نهار 2 ماي الجاري، وعائلتها وجمهورها كانوا فحزن كبير. الجنازة ديالها كانت نهار الأحد، وناس كثار احتشدو فشوارع ساو باولو باش يودعوها.

اشتهرات ميلينا بدورها فالمسلسل البرازيلي “طفولة روميو وجولييت”، حيث تألقت فالدور ديالها رغم سنها الصغير، وولات من الوجوه الشابة المعروفة فالمجال الفني.