الرئيسية > كود سبور > عموتة وزع المهام فالوداد والخدمة بدات من ليسبوار
19/08/2022 20:00 كود سبور

عموتة وزع المهام فالوداد والخدمة بدات من ليسبوار

عموتة وزع المهام فالوداد والخدمة بدات من ليسبوار

كود سبور//

تقرر تقسيم العمل داخل الوداد الرياضي إستعدادا للموسم الرياضي المقبل، فانتظار الالتحاق ديال المدرب الحسين عموتة بالفريق الأحمر فالأيام اللي جايا.

وغايتكلف المدير التقني ديال الوداد بدر القادوري، بالسفر مع الفريق الأحمر للمشاركة فدوري أحمد النتيفي، لي غيتلعب بكل من مدن وجدة وبركان وسعيدة إبتداء من هاذ الويكاند.

وغايشار الوداد لي ماتش ديالو فدوري النتيفي بالفريق الثاني المكون من الاحتياطي واللاعبين ديال ليسبوار، بحيث غيشرف بدر القادوري على المشاركة باللاعبين الصاعدين وبعض اللاعبين الجدد فالفريق لتقييم المردود ديالهم والأسماء لي بإمكانها تلتحق بالفريق الأول.

ووجه بدر القادوري دعوة السفر مع الوداد لكل من الحارسين ياسين حنين، وياسين فينتي، وأمين أبو الفتح، وحمزة أسرير، ومحمد رحيم، وأنس سرغات، ومحمد الوردي، وشعيب فيضي، وسعد بوعنان، واليازيد فافا، وسهيل العمري، وحمزة جنان الله، والمهدي أصحابي، وإسحاق زيدان، إسماعيل مومن، والياس زاهير، ومنجد زكرياء، أيمن بشار.

وغيتم اختبار هاذ الأسماء أمام كل من مولودية وجدة الراسينغ البيضاوي ونهضة بركان، للحسم فاللاعبين لي غيكونو مع الفريق الأول واللاعبين لي غيمشيو إعارة أو اللاعبين اللي ممكن يتم تسريحهم بصفة نهائية.

من جهة أخرى، غيتكلف مصطفى الخلفي المدرب المساعد ديال المدرب الحسين عموتة بالإشراف على تداريب الفريق الأول، وغايستمر فالاعداد بمركب بنجلون مع اللاعبين اللي لم يتم الاستدعاء ديالهم للمنتخب الوطني المغربي المحلي، وكاين عمل مكثف بحيث أن العناصر ديال الوداد كيدربو حاليا بمعدل حصتين تدريبيتين فاليوم، وهادشي كيتم لرفع منسوب اللياقة البدنية داخل الفريق لي انتهى عندو الموسم بشكل متأخر.

موضوعات أخرى

25/09/2022 20:30

رئيس وأعضاء البرلمان الإفريقي مشاو لميناء طنجة: حنا منبهرون بالبنيات التحتية العصرية والتكنولوجيا لي عرفها المغرب – تصاور