كود سبور//

اتهم الحسين عموتة مدرب منتخب الأردن، شي أشخاص بدون ما يذكر الأسماء ديالهم، باستغلال الاسم ديالو فالانتخابات لرئاسة الوداد الرياضي، من خلال الترويج للعودة ديالو إلى الفريق الأحمر.

وخلال ندوة صحافية دارها الحسين عموتة مدرب المنتخب الأردني، كشف وقال: “ناس مشوشين كايستغلو الاسم ديالي حيث كاينة انتخابات فالوداد وكاين اللي كيستخدم اسم عموتة على أنه متواجد (جاي للوداد) وكدا وكدا وكيختار اللاعبين واقترح بعض اللاعبين الأردنيين أنهم يلعبو فالوداد الموسم المقبل على اعتبار أن الوداد عندو مشاركة فكأس العالم للأندية”.

وكمل عموتة: “والخروج ديالي لوقف هاد المعلومة الخاطئة اللي كلشي ولا كايستافد منها وللحفاظ على مجموعتنا (منتخب الأردن)، حيث من العيب أن المنتخب الأردني كيوجد والناس كيدويو على أن عموتة غايمشي من بعد أسبوع أو أسبوعين للوداد وأنا متواجد إلى حدود الساعة مع المنتخب الأردني وتركيزي معهم”.