مصطفى الشاذلي///
عرف مطار محمد الخامس حالة من الاستنفار بعدما بقى الحسين عموتة مدرب الوداد كيقلب على جواز السفر ديالو باش اسافر للجزائر، اليوم (الأربعاء)، على أساس أنهم غادي يواجهو اتحاد العاصمة الجزائري، برسم نصف نهائي عصبة الأبطال، بعد غد الجمعة.
عموتة عيا كيقلب على جواز السفر ديالو قبل ميتأكد أنه نساه فدارو، ورجع معا شي مسؤولين من الوداد بسرعة باش اجيبوه داكشي علاش تسبب في تأخر الرحلة وفي استنفار كبير بمطار محمد الخامس.
ومشات بعثة الوداد هاد الصباح للجزائر، عبر مطار محمد الخامس، باش تواجه اتحاد العاصمة في مباراة ذهاب المربع الذهبي، والوداد رافقوهم صحافيين بزاف، بعدما قروا أنهم اديو معاهم صحافيين لتغطية المباراة المهمة، وتفاديا باش توقع ليهم شي حاجة تأثر عليهم من قبل الفريق المنافس، في إطار العلاقة المتوترة بين المغرب والجزائر.
المباراة بين اتحاد العاصمة والوداد غادي تجدرى، بملعب 5 جويلية، للحالة ديالو سيئة وغادي اتسد مباشرة بعد نهاية المباراة، وغادي ارجعوا الوداد للمغرب نهار السبت المقبل.
