الرئيسية > كود سبور > عموتة: التأهل ما تحسمش ومنتخب الجزائر ماشي ساهل واخا هاكاك كنا نربحوه
22/09/2019 12:00 كود سبور

عموتة: التأهل ما تحسمش ومنتخب الجزائر ماشي ساهل واخا هاكاك كنا نربحوه

عموتة: التأهل ما تحسمش ومنتخب الجزائر ماشي ساهل واخا هاكاك كنا نربحوه

مصطفى الشاذلي – كود سبور//

الحسين عموتة، مدرب المنتخب المحلي، عبر عن أسفه لعدم الفوز فالماتش ديال الجزائر البارح السبت بملعب مصطفى التشاكر، ضمن ذهاب التصفيات الإفريقية، المؤهلة إلى نهائيات كأس إفريقيا للمحليين 2020.


وأكد عموتة فالكوفيرونس دو بريس، انه ما راضيش على نتيجة زيرو لزيرو، لأنها غير مطمئنة، وگال “المنتخب الجزائري يمكن ليه يماركي فالملعب ديالنا، وغادي يعقد مهمتنا، هاداك شي علاش هاد النتيجة ممكن تكون لينا فخ. خاصنا نركزو بزاف فماتش الروتور”.


الحسين عموتة جاوب الصحافيين بلي ما جاش المغرب، باش يرجع بزيرو لزيرو، جا باش يربح، لكنه لقاء منتخب قدامو قوي بزاف ولعب بقتالية، واضاف “المنتخب الجزائري ما شي ساهل عندو لعابة مزيانين، واخا كنا نربحوه، لحقاش ضيعنا كواري ديال البيوتا”.


عموتة أكد أن “الماتش ديال الروتور ما غاديش يكون ساهل بالنسبة لينا بجوج واخا حنا غادي نستقبلو فملعبنا، كلشي غايلعب باش يتأهل لا حنا ولا هما، لهذا خاص التركيز أكثر وعدم ارتكاب الاخطاء، خصوصا اننا غادي نواجهو منتخب صعيب”.


عموتة تمنى عودة بعض اللاعبين المضروبين باش يكون المنتخب المحلي واجد مائة فالمائة “الماتش ديال الروتور غادي يكون مختلف ومتكافئ وخاصنا نلعبوه بزيرو فوط”.

موضوعات أخرى