الرئيسية > كود سبور > عملية ناجحة لتيسودالي .. والسبع المغربي علق: غادي نرجع اقوى
05/08/2022 20:00 كود سبور

عملية ناجحة لتيسودالي .. والسبع المغربي علق: غادي نرجع اقوى

عملية ناجحة لتيسودالي .. والسبع المغربي علق: غادي نرجع اقوى

كود سبور//

خضع الدولي المغربي طارق تيسودالي لعملية جراحية ناجحة، من بعدما كان تعرض لإصابة خطيرة، خلال مباراة ودية السبت الماضي، مع الفريق ديالو جينت البرلجيكي.

وكشف نادي جينت البرلجيكي فبلاغ رسمي له على أن السبع المغربي طارق تيسودالي خضع اليوم الجمعة لعملية جراحية ناجحة في الركبة ديالو، من بعدما تعرض لقطع فالاربطة الصليبية ديالو.

طارق تيسودالي ظهر بخير وكيبتسم بعدما أجريت له العملية الجراحية، وحتى هو علق على الحالة الصحية ديالو باش يخلي الجمهور المغربي والجمهور ديال الفريق ديالو جينت البلجيكي مطمئن عليه وقال عبر حسابو ف”انستگرام”: “غنرجع اقوى”، فإشارة أنه بمعنويات مرتفعة ومستعد نفسيا باش يدخل لمرحلة التأهيل بعدما يتأكد من الشفاء ديالو من العملية لي خضع لها.

للإشارة فطارق تيسودالي غيغيب عن المنتخب الوطني المغربي في كأس العالم المقبل فنونبر لي جاي بقطر، حيث الإصابة ديالو حسب فريق جينيت البلجيكي غتخليه يبتعد على الميادين لمدة 6 أشهر على الأقل، وبالتالي فماغيكونش مع الأسود فالمونديال.

موضوعات أخرى

18/08/2022 11:00

فضايح بوريطة.. كولومبيا اعترفات بالبوليساريو ورجالاتو مقصرين فبوگوطا: دبلوماسيين مغاربة تخدرو من عند جوج عيالات وتسرقو وواحد فيهم باقي فالصبيطار – فيديو