سامي العلوي -كود خريبگة //
قالت مصادر “كود” باللي لابيجي ديال خريبكة وبناء على معلومات وجداتها “الديستي” دارو عملية وصفت بالنوعية البارح السبت بالليل بمدخل مدينة واد زم. فهاد العملية حبطو عملية تهريب المخذرات. فاحباط هاد العملية تستعمل القرطاس. النتيجة: توقيف 3 اشخاص وحجز اكثر من جوج طن دالحشيش و 3 طونوبيلات وتلفونات.
حسب مصادر “كود” فخلال مطاردة البوليس لطونوبيلة خاصة فيها افراد من عصابة المخدرات، تفاجئو باشهار جوج منهم لجويجة ديال الصيد فمواجهة كمين كان كيقودو رئيس منطقة امن خريبكة٬ هاد الاخير طلق 4 القرطاسات ولكن ما مس حد٬ فالمقابل خلى الطونوبيلة تتوقف. هاد الطونوبيلة كانت عامرة حشيش وكانت جوج طونوبيلات اخرى غادية فالكورطيج ديال العصابة.
تشد كلشي وبدا فريق التحقيق خدمتو منها يخرجو اش كاين فالتلفونات ديال العصابة بمختبر المديرية العامة للامن الوطني. بهاد القضية يعرفو شبكة هاد العصابة فداخل المغرب وخارجو
