وكالات//

البوليس ديال ميريكان وجهو تهمة ديال الاعتداء بسلاح خطير لواحد الراجل هندي سميتو برانييث كومار أوسيريبالي، عندو 28 عام، حيث طعن جوج ديال القاصرين (عندهم 17 عام) بـ شوكة ديال الماكلة وسط الطيارة .

حسب الوثائق اللي خرجات، الحادثة وقعات نهار 25 أكتوبر 2025: المتهم طعن الأول فكتفو وهو ناعس. من بعد هاجم الثاني وطعنُو فمؤخرة الراس.

وحتى حاول يعتدي على راكبة وعلى واحد من طاقم الطيارة. هاد الشي خلا الناس فالفوضى، واضطرّ الطاقم يحوّل الرحلة ويهبط فـ مطار بوسطن لوغان الدولي، فين تشد الراجل مباشرة.

التحقيقات بيّنات باللي كان دخل لأمريكا بتأشيرة طالب، وكان كيقرا فبرنامج دراسات كتابية (دينية)، ولكن دابا ما عندوش وضع قانوني صالح فالبّلد.

التهمة اللي توجهات ليه “الاعتداء بسلاح خطير أثناء السفر الجوي” – ممكن توصّلو حتى لـ10 سنين دالحبس وغرامة ديال 250 ألف دولار، ولكن السلطات أكدو أنه مازال بريء حتى تثبت الإدانة ديالو قانونيًا.