كود ـ وكالات//

فشل تنفيذ حكم الإعدام نهار الأربعاء 30 شتنبر، فولاية تينيسي الأمريكية، وخا كان بالحقنة القاتلة، بعدما بقات المحكوم عليها بالإعدام حية حسب ما علنو عليه المحامين ديالها.

بايك، اللي تحكم عليها بالإعدام بسبب جريمة قتل وقعات ف 1995، كان من المفروض تكون أول امرأة يتم إعدامها فتينيسي من 200 عام.

محاميوها قالو بان عملية الإعدام واجهات “صعوبة فالوصول للأوردة”، وتمزق بعض الأوردة، ومشاكل مرتبطة بمادة البنتوباربيتال، وعدم توفير رعاية طبية استعجالية.

شهود حضرو العملية قالو لوسائل إعلام أمريكية بلي السيدة بقات كتتنفس وحتى كتشخر من بعد إعطائها الحقنة القاتلة. ومن بعد، تنقلات لمستشفى قريب لتلقي العلاج، بينما أكد محاميوها أنهم ما توصلوش بمعلومات حول حالتها.

وقبل التنفيذ، كانت محكمة استئناف فدرالية علقت الحكم مؤقتاً لدراسة طعن من الدفاع، اللي طالب بأخذ الاعتداءات الجنسية اللي تعرضات ليها بايك فطفولتها بعين الاعتبار. لكن المحكمة العليا الأمريكية ألغات قرار التعليق، وسمحات بتنفيذ الحكم.